As coberturas obxecto do presente seguro son as descritas nos termos e cos límites previstos na póliza:

Reclamacións

Garántense os custos en que poida incorrer o asegurado por reclamacións contra terceiros responsables coñecidos ou identificables, tanto por vía xudicial, en primeira e segunda instancia, como extraxudicial, polos danos corporais e materiais a obxectos, prendas e/ou vehículos que sexan propiedade do asegurado por feitos alleos á circulación e polos prexuízos derivados de devanditos danos que se lle causen, por imprudencia ou dolosamente, de que puidese ser obxecto no exercicio da súa actividade profesional, así como a consecuencia de danos e prexuízos derivados de accións constitutivas de ameaza, coacción, inxuria, calumnia e outros ilícitos penais.

Defensa da responsabilidade penal e constitución de fianzas penais.

Garántense os gastos de defensa da responsabilidade penal do asegurado nos procesos que se sigan contra os mesmos por imprudencia, impericia ou neglixencia por feitos derivados do exercicio da súa actividade profesional como persoal por conta de Consellería de Cultura, Educación e Ordenación Universitaria, así como a constitución de fianzas criminais nestes supostos que poida decretar a autoridade xudicial.

Cando a sentenza declare que os feitos axuizados son constitutivos de infracción dolosa, os gastos de defensa serán a cargo do propio asegurado así como as costas xudiciais. O asegurador resérvase o dereito a reclamar da persoa defendida o importe dos gastos anticipados para o seu defensa, quedando o asegurado obrigado ao seu reintegro.

Asistencia xurídica telefónica.

Porase a disposición do asegurado un equipo de avogados, nas linguas oficiais da Comunidade Autónoma de Galicia, para que lle informe telefonicamente sobre o alcance dos dereitos que lle asistan e a mellor forma de defendelos, no ámbito da súa actividade profesional como persoal por conta da Consellería de Cultura, Educación e Ordenación Universitaria, quedando excluído o asesoramento naqueles casos nos que a contraparte sexa a mesma Consellería de Cultura, Educación e Ordenación Universitaria.

O horario de consultas será de 8:00 a 20:00 horas de luns a venres excepto festivos nacionais. O prazo máximo de resposta será de 24 horas (excepto festivos e fins de semana) e será sempre telefónica.

Xuízos Verbais

A entidade aseguradora garante a asistencia letrada no caso de que o asegurado sexa parte nun Xuízo Verbal, ou en calquera outro tipo de procedemento no que non sexa necesario acudir defendido por avogado.

Asistencia xurídica telefónica 24 horas

Esta garantía prestarase de forma telefónica ao asegurado e estará circunscrita á existencia obxectiva dunha situación de urxencia derivada do obxecto cuberto.

Asistencia ao detido

Esta garantía implica facilitar un avogado para asistir ao asegurado en caso de privación de liberdade por un motivo amparado pola póliza de seguro mentres permaneza en dependencias policiais e ata que sexa trasladado ao xuíz competente. Tamén inclúe a asistencia ao asegurado na toma de declaración ante a autoridade xudicial competente nas dilixencias previas.

Xuízos rápidos

O servizo incluirá a asistencia letrada nos supostos de conformidade. En caso de non producirse conformidade, aplicaranse as condicións establecidas para o resto de procedementos.

Informes periciais

Se garanten os custos dos informes periciais necesarios para a defensa dos intereses do asegurado.

A elaboración de calquera informe pericial debe estar previamente autorizada pola entidade aseguradora, cuxa contratación será de conta exclusiva desta.

Localización de responsables

A entidade aseguradora garante os custos de localización dos responsables de calquera dano sufrido polo Asegurado nos supostos cubertos por esta póliza, ata un importe máximo de 3.000,00 euros por sinistro.

Baixo esta garantía só se poderán abonar honorarios a profesionais provistos de todas as habilitacións necesarias para o exercicio desta actividade. A contratación dos mesmos será realizada exclusivamente polo asegurador.

Asistencia xurídica no estranxeiro e adianto do importe da fianza penal esixida no estranxeiro

A entidade aseguradora abonará ata o máximo establecido para o pago no estranxeiro dos honorarios de avogado e procurador xurdidos como consecuencia de asistencia xurídica por un suposto cuberto pola póliza ata un importe máximo de 3.000,00 euros por sinistro.

Se o Asegurado é encarcerado ou procesado no estranxeiro como consecuencia dun suposto cuberto pola póliza o asegurador concederalle un anticipo equivalente ao importe da fianza penal esixida polas autoridades correspondentes ata o máximo de 6.000,00 euros por sinistro.

As cantidades anticipadas deberán ser reintegradas á entidade aseguradora no prazo máximo de 46 días.